زيادة مشاهداتك علي بلوجر مجاناً في دقائق من علي الهاتف فقط
جاهزين يلا بينا 👈👈
بصوا أنا مش حابب اطول عليكم او اخليكم تتوهوا مني بس الموضوع متعلق في شرح شوية حاجات في بحث جوجل ذات نفسه و بمناسبة اني في البوست اللي عملته قبل كدة عن بلوجر لو انت عملت زي ما أنا قولت و مجاتلكش مشاهدات ف ديه شوية حلول من عندي هتساعدك جامد فياريت اكون لميت كل حاجة في البوست ده
١-هتبدأ ب ايه؟
من الاول كدة لازم تكون عرف أن زيادة المشاهدات علي صفحة بلوجر ده في صفك خصوصاً لو انت مش مفعل جوجل ادسنس أو خدمات الإعلان بشكل عام طب ليه ؟؟ علشان انت لما بيجيلك ناس كتير اشوف الصفحة بتبدأ الصفحة تجيب ناس اكتر و تبقي من الاحتمالات أنها تظهر في أول ١٠ او ١٠٠ مواقع و طبعاً لازم تنشر كتير و عن حاجات كتير علشان الصفحة تظهر في مواضيع كتير و مش لازم تبقي حاجات كتيرة أو جديدة بس متنقلش حاجة من حد علشان متسببش مشاكل لصفحتك و لنفسك
٢-عملت كل ده و مفيش مشاهدات
كدة هنلجأ للطريقة التانية وهي أننا هنستعمل بوت تزود بيه مشتركينك استني انت قومت تفتح الكومبيوتر ليه الموضوع هيخلص من التليفون هتخش علي الجوجل بلاي و تبحث عن برنامج اسمه fingler traffic bot
وبعد كدة هتحمله و تخش عليه سيبك من كل الاختيارات و اختار blogspot traffic bot هتقوم داخل و هتلاقي ڤ خانات في الصفحة و الآخيره مقفولة تختار اي واحدة فيهم هتخش علي البلوج بتاعتك من اي متصفح هتعمل نسخ أو Copy و بعد كدة هتقوم راجع للبرنامج و تدخل الرابط في أول خانة و بعد كدة هتدوس confirm and start و هتلاقي تلقائي البرنامج شغال لوحده و بيزور الصفحة و بيزود المشاهدات عندك عادي ممكن تتأكد من خانة ال stats هتلاقيهم بيزيدوا عادي ولكن لازم تخلي بالك كويس جداً انك متقفلش شاشة التليفون أو تبقي مشغل vpn اقفل الvpn و سيب الشاشة مفتوحة و خش عادي
٣-هل ممكن اخد بان؟
بص هو أنا جربتها بس الحمدلله البلوج لسة شغالة و الحوار تمام و الشغل عالي و بتزود المشاهدات و تقريباً هي السبب انك تكون بتقرأ صفحتي دلوقتي بس بلاش تعملها كتير مع الاقل الف زائر كل يوم و كل ده مجاني الفكرة
٤-هل الزوار هيزيدوا بعد كدة؟
اه هيزيدوا و هتفرح وممكن كمان تنسي موضوع البوست ده خالص بس ده كان كدة كبداية تشجيعاً ليك فمتنساش كلنا بدأنا من الصفر لحد ما انت شايف دلوقتي المواضيع اللي علي الصفحة
وبس كدة ديه كانت كل حاجة عندي لو عجبكم البوست متنسوش تعملوا لايك و كومنت و متابعة للصفحة وبس كدة سلام 👋👋
تعليقات