القبض علي المتحرش البرازيلي في المطار
طبعاً البنت طول الفيديو ما كانتش فاهمه أي حاجه وبتبسمله بلطف بإعتباره سائح، وده اللي استفز الناس أكتر وخلى الدنيا تتقلب عليه.
بعد الهجوم الكبير اللي حصل شال الفيديو وراح للبنت تاني يوم يصور فيديو وهو بيعتذرلها لكنه ما قالهاش الحقيقة. استغل البنت لتاني مرة وقالها أنا امبارح قولتلك "نكتة برازيلية" ف ما تزعليش، وفضل يتكلم عن نفسه وحاول يلمسها اكتر من مرة خلال الفيديو والمرشد بيقوله ما تلمسهاش.
وطبعاً البنت لا فهمت كلامه الأولاني ولا فهمت بيعتذر على ايه ولا مدركه أن الفيديو ده منتشر في كل مكان في البرازيل وصورتها بقت معروفه لكل الناس هناك. محاولات الشخص ده أنه يحسن صورته ما نجحتش تماماً لأن البنات في البرتغال قرروا يوصلوا صوتهم عشان الجهات المختصة تقدر تاخد موقف. لأن حسب كلامهم اللي اتعمل ده غير قانوني في البرازيل والأكيد انه مش قانوني في مصر.
الشخص ده لسه موجود في مصر (الأقصر) لحد دلوقتي. لسه بيتفسح وبيخرج في البلد اللي قرر يدخلها ويستغل عدم معرفة بنت بلغته عشان يتحرش بيها.
و بعد ذلك تم تفعيل هاشتاج " #حاسبوا_المتحرش_البرازيلي "للمطالبة بمحاسبته و اعترض المصريون علي وجوده في مصر وقالوا "مش عايزين متحرشين في بلدنا ".
و بعد ذلك اغلق حسابه علي فيسبوك و أعلن مغادرته البلاد و رجوعه للبرازيل ولكن تم القبض عليه من داخل المطار.
اعملوا شير علشان ناس اكتر تعرف قصته و يبقي عبرة لاي اجنبي بعد كدة.
تعليقات