ثورة غضب على أستاذ جامعي يوم ترقيته.. ماذا فعل «الدكتور محمود» ليكرهه جميع الطلاب؟!
الأستاذ الجامعي يبدو أن العلاقة بينه وبين الطلاب لم تكن على مايُرام، حيث حول الطلاب منشور قرار ترقيته على الصفحة الرسمية للكلية إلى ظاهرة فيسبوكية غريبة، فلم ينل المنشور “لايك” واحد، وفي المقابل تجاوزت عدد مشاعر الغضب للتعبير عن رفض الطلاب له 65 ألف.
وظهر من خلال تعليقات الطلاب على منشور الترقية، أن الدكتور محمود مرسي، جمعته بالطلاب مواقف كثيرة لم تكن مستساغة للبعض، حيث قصّوا من خلال التعليقات مواقف سيئة تعرضوا لها بسبب الدكتور محمود مرسي أحمد محمد.
بينما قالت الطالبة دعاء ياسر: «عمري ما هنسى في سنة تانية كان عندي حالة وفاه وكنت نفسيا اصلا مدمرة وقتها نقلوا سكاشن الحرية لمحرم والشاطبي واصلا وقتها مكنتش مركزه وتفكيري ملخبط ولحقت فورم المواعيد قبل ما يقفل ب10 دقايق وميعاد مش مناسب كمان وعشان دخلت السكشن متأخر شويه كرشني وقالي يلا يا ماما من هنا الي هو انا لو شغاله عندك مش هتعاملني كده يا أخي حسبي الله ونعم الوكيل».
فيما قص الطالب خميس حسن موقفا سيئًا جمعه بالدكتور محمود مرسي قائلا: «وانا مش هنسالك في فاينال العملي لما قعدت تزعقلي قدام السكشن كله عشان معايا اسكيم بتاع معيد تاني و قعدت تهددني انك هتعملي محضر غش عشان الاسكيم دا مع ان كل السكاشن التانية دخلوا بيه عادي جدا و محدش كلمهم؟!. و بعد شوية خليتني امتحن قدام لوحدي و مخلتنيش حتى اخد ادواتي عشان اشتغل الملح التاني و قولتلي جيبه من غير ما تشتغل !!!.».
الغريب في الأمر أن مشاعر الكراهية التي فرضها الطلاب على الجميع تجاه الدكتور الجامعي، انتشرت بسرعة فائقة لتملأ جنبات مواقع التواصل الاجتماعي.
الآلاف شاركو منشور الترقية مشيرين إلى مشاعر الغضب، والتعليقات التي سردها الطلاب، وعلقوا ساخرين"ماذا بينك وبين الله ليكرهك الجميع".
واختار بعض المعلقين توجيه نصائح للأستاذ الجامعي بدلا من السخرية من حجم التعليقات السيئة التي يتعرض لها، حيث كتب محمد مدحت: «هو انا معرفوش ولا اتعاملت معاه بس الناس دي كلها مش هتجتمع على حاجة الا وتكون صح فربنا يهديه وينفع الناس بعلمه ويحاول يغير الحاجات اللي بتضايق الطلبة منه»
وقالت أسماء صالح موجهة حديثها للدكتور محمود مرسي: «ياريت يا دكتور كمية الغضب اللي علي البوست تخلي حضرتك تعيد النظر في طريقة تعاملك مع الطلبة وحتى طريقة كلامك .. الف مبروك ربنا يهديك و ينفع الناس بيك»
وبس كدة ديه كانت كل حاجة
تعليقات