أفضل 5 بدائل لجوجل ادسنس لسنة 2021
و طبعاً جوجل ادسنس بيفرض عليك مشاهدات معينة يومية للصفحة ده غير الشروط الكتير اللي تعتبر مملة و متعبة للبعض ده إذا لو مكنش الكل كمان
جاهزين يلا بينا👈👈
١-Adsterra
الموقع ده هو اللي أنا باستعماله دلوقتي الموقع محترم شغال من 2013 الموقع مش بيدفع كثير اوي بس كويس الموقع من افضل المواقع اللي ممكن تتعامل معاها و بالذات لو انت واحد بتنزل محتوي دائما، هتكسب كتير و هتاخد علي قد تعبك اقل حاجة ٥ دولار و بتسحب كل ١-١٠ من كل شهر او من نص الشهر رابط موقع Adsterra من المميزات انك تقدر تحدد نوع الاعلانات يعني مثلاً اعلان بصوت أو لا اعلان pop under او social bar و الاتنين دول بيكسبوا جامد خاصة لو انت فاتح مدونة افلام
٢-Adcash
الموقع ده اقل بفرق من adsterra أنا كنت بستعمله بس وقفته لانه مبيدفعش كتير و كمان من اسوء مواقع خدمة العملاء ده غير انك لو منزلتش محتوي علي المدونة بتاعتك لمدة بسيطة هيشلوها و مش هيرجعوها الا لما تنزل محتوي كتير تجربتي كانت سيئة ده غير أن إعلاناته كانت رخمة و مافيهاش تقسيم و مفصلة زي Adsterra و مينفعش تحدد نوع محدد من الإعلانات ده غير أن الواجهة غير جيدة و شكلها سئ الي حد كبير رابط موقع Adcash
٣-PropellerAds
الموقع ده موقع مفضل بالنسبة للناس كتير الموقع مميز بواجهة اكتر من رائعة و الحقيقة أنا مجربتش الموقع ده بس ناس كتير عجبها الموقع و بترشحه كأفضل بدائل جوجل ادسنس من عيوب الموقع انك مينفعش تسجل برابط المدونة يعني الرابط لازم يبقي كدة https://example.com
غير كدة لو فيه blogspot مش هيقبلوا الموقع و ده شئ مؤسف و طبعاً سواء انت شغال علي wix او wordpress
مش هيشتغل و لازم تشتري نطاق اللي هو domain بس هو كمجمل موقع مميز رابط موقعPropellerAds
٤-PopAds
شركة تم اقتراحها علي من أحد المواقع والأصدقاء و الموقع وجهته مش وحشة بس مش احسن حاجة الموقع بدائي شوية بس فيه ناس بترجحه وبتعتبره من احسن بدائل جوجل ادسنس وده كان رأئي بصراحة بس هو برضو مش احسن حاجة رابط موقع popads
٥-yllix
Yillix من افضل المواقع المرجحة و من المواقع المميزة مش حاسس أن الواجهة شكلها مميز ولكن يعتبر من المواقع اللي فيه مستخدمين كتير بيفضلوه عن أي موقع تاني رابط موقعyllix
طبعاً فيه عدد كبير منكم مستغرب أنا ليه بقول ناس بترجحه أو فيه ناس بتعتبره من افضل المواقع و الخ... ،ده لأن كل واحد علي حسب الاعلان اللي جالوا و علي حسب الربح قصاد المجهود يعني فيه واحد بينزل يومياً صعب انك تقنعه أنه يروح شركة بتدفع مبالغ تكاد تكون سنتات و اقل و ممكن واحد تاني بيسرق محتوي ناس تانية فالسنتات دول ممكن يعملوله مبلغ لانه مش تعبان في حاجة و مش هتفرق معاه بس اللي أنا عاوز أقوله أن لغاية دلوقتى مفيش موقع صريح و قوي يقدر يواجه جوجل ادسنس لانه بكل بساطة مكان لمعظم المعلنين و صناع المحتوي ولكن اللي أنا مش بحبه في الجوجل ادسنس الشروط اللي بيصعب تحقيقها للمبتدئين ، صعوبة تحقيق ربح في البداية، ضعف الأجور المشاهدات العربية مقارنة بالمشاهدات من دول الغرب.
فعلشان كدة اغلب الناس لجأت بشكل أو بآخر لبدائل لجوجل ادسنس. وبس كدة ياريت تقولنا رأيك في الموضوع و هل انت من أحد مستخدمي هذه المواقع ؟؟ ، استنونا البوست اللي جاي، مش عارف بصراحة هتكلم عن ايه 😂😂😂 وبس كدة سلام 👋👋
تعليقات