شرح طريقة عمل مدونة بلوجر بالخطوات و الصور علي الهاتف
ازيكم في البوست ده هتعرف علي طريقة عمل مدونة blogger من التليفون في اسرع وقت
جاهزين يلا بينا
١- التوجه للموقع
اول حاجة هتعملها انك هتروح علي محرك بحث جوجل و تكتب blogger.com
و تخش علي الموقع
٢-تختار الحساب اللي حابب تسجل منه المدونة
هتظهرلك دائرة من فوق علي اليمين هندوس عليها و هتختار الحساب اللي حابب تسجل بيه المدونة
٢- نبدأ في انشاء المدونة
هتلاقي مكان اسمه title
ده هتكتب فيه اسم المدونة اللي هو الاسم اللي هيظهر للمستخدمين لما يبحثوا عنك
الاسم ملوش علاقة برابط المدونة
هنكتب اي اسم مثلا أنا هكتب اسم ma3lomat all
نقدر نسيب مسافة عادي و بعد كدة تدوس Next
هتختار اسم تاني طبعاً مش لازم الاسم ده
٣- هنكتب رابط المدونة
الرابط مينفعش نسيب فيه مسافة
وكمان لازم تختار اسم مبتكر تحطه في الرابط ميكنش حد كتبه قبل كدة
مش لازم اسم الصفحة يبقا نفس اسم الرابط ممكن مثلاً تزود ارقام او حروف أو حتي تغيره تماما عن الاسم
*مش بفضل الاسم يكون مختلف عن اسم الرابط
لو هي كل ما تختار اسم تطلعلك احمر ده معناه أن فيه حد تاني عنده نفس الرابط ده فأنت لازم تغيره
و هندوس Next
طبعاً فيه إمكانية الرجوع لو انت حابب تغير اسم المدونة و نخليه زي اسم الرابط من كلمة prev.
هنتختار هنا اسمنا في المدونة و انصح انك تخليه زي اسم المدونة أو تكتب اسمك عادي مفيش مشكلة و ينفع تسيب مسافة عادي جداً
وبعد كدة هندوس Finish
وبس كدة انت أنشأت المدونة فاضل بس اعلمك ازاي تنشر بوست و ازاي المدونة تظهر في محركات البحث
٥- طريقة نشر بوست
الموضوع عامل زي ما ينتشر بوست علي الفيسبوك هندوس علي الثلاث شرط و بعد كدة هنختار New Post
هنكتب عنوان البوست فوق في ال Title و ينفع تسيب فيه مسافة عادي
و تحت هنكتب الموضوع و اكيد ينفع تسيب مسافة هتلاقي تحت ال Title
شويه ادوات كدة مهمة برضو تقدر تستعملها وبعد ما تخلص كتابة تقدر تحدد label
يعني ايه label
يعني صنف الحاجة اللي انت كاتبها و بعد كدة تدوس علي علامة نشر اللي فوق خالص علي اليمين و البوست بتاعك هيتنشر عادي طب لو عاوز تشوفه اقصد البوست 😂😂 تختار view
اللي هي علامة العين
فاضل بس آخر حاجة و تبقي انت جاهز تنشر اي حاجة بعد كدة
٦- تغيير بعض الاعدادات
هتخش علي الثلاث شرط و بعد كدة الاعدادات settings
هتنزل تحت و توصل لل privacy
و بعد كدة هتفعل visible to search engine
لو هي مش متفعلة و دة هيخلي صفحتك تظهر علي محركات البحث و معلش بس اطلع فوق تاني عند basic
ومن هنا تقدر تغيير الحاجات الأساسية و لو محتواك لسن كبير او فوق ١٨
ممكن تفعل Adult Content
وبس كدة ديه كانت كل حاجة استنونا الاسبوع اللي جاي نشر ايه افضل بدائل الجوجل ادسنس و ازاي ممكن نحط اعلانات علي المدونة وبس كدة سلام 👋👋
تعليقات