خمس حاجات لو عرفتهم هتخلي تقييمك Ace
جاهزين يلا بينا
من اكثر الحاجات اللي بتضايق انك تبقي عاوز ترفع تقييمك و كل شوية تحاول تقل بسبب هكرات او انك مش محترف اوي بس مع استفيد ناو ديه مش هتبقي مشكلتك و هنديك حل للموضوع ده
١-بلاش بوشينكي او اسكول
بص كدة أولاً ياريت متاخدكش الحماسة و تلاقي نفسك بتتحدي الطيارة و نازل بوشينكي و قلبك جامد و معاك مسدس و عاوز تكسب!!! انت كدة بتهرج أنا علشان اعرف انزل بوشينكي و لسة بخسر قعدت حوالي ٥ شهور ادرب في الcheer park و العب مع ستريمرز و العب مع محترفين ولو انت شاحن هيرضو يلعبوا معاك عادي و هتتعلم منهم و هتبقى جامد عاوزك تنزل بيوت المية، روزهوك،سكول أحياناً، اي مكان هادئ يبقي كويس انزل فيه و ده هيساعدك توصل ace مش crown كمان و هتكسبك خبرة هتخلي كل الناس عاوزة تلعب معاك حتي لو الحساب لسة عامله امبارح بس بلاش كمبرة زيادة عن اللزوم علشان متتشتمش
٢-فعل بطاقة حماية التقييم
من اكثر الحاجات اللي هتساعدك ترفع تقييمك هي انك تفعل بطاقة حماية التقييم البطاقة ديه لما بتنقص تقييم بتنقص واحدة ولما تكسب جيم أو تزيد نقط هي مبتنقصش خاصية حلوة بالنسبة للناس اللي بيلعبوا تقييم أو شاحنين السيزون
٣-بلاش تحالف
بشوف ناس كثير تقعد تقول تحالف و بعد ما تتحالف يتغدر بيك المشكلة بقي انك انت مبتتعلمش و بتتحالف تاني رغم انك لسة واكل علقة و مغدور بيك متفهمش بقي و في الاخر بيتغدر بيك ده غير انك ممكن تاخد بان لو حد عمل بلاغ
٤-بلاش تلعب مع محاكي
فيه ناس كتير مننا عندهم اصحاب بيلعبوا محاكي و بتخش جيم بتموت وانت طاير و هكرات و حاجة يعني تخليك تكره اللعبة و تكره المحاكي و ممكن تمسحها بس الحل هو انك يا تجيب محاكي أو تبطل لعب مع أي حد بيلعب محاكي علشان هتلاعب ناس قوية و ايمهم ثابت و ناس كدة لو قعدت خمسين سنة مش هتبقي زيهم و طبعاً ده علشان فرق الإمكانيات
٥-متتهورش!!!
بلاش قلبك يجيبك و تخش علي اسكواد لوحدك و بالذات في بيت واحد و تحاربهم و كمان لما تبقوا في آخر الجيم هيبهدلوك لازم تعمل تخطيط و تعمل ترتيب و تجيب واحد ورا التاني و لو انت مش هتعرف فجر نفسك 😂😂😂 ههههههه بهزر حاول و ممكن تجيبهم
وبس كدة ديه كانت النصائح اللي أنا بقدمهالك عن خبرة طويلة ياريت تكونوا استفدتوا و استنونا البوست اللي جاي علشان اقولكم علي افضل الأسلحة و أقواها و الأسلحة اللي أنا بفضلها وبس كدة سلام 👋👋
تعليقات